Ehestandslied
{youtube}bcYUVBm9dGA{/youtube}
Wenn i amal heirat
des mu_ass o_ane sein
sie derf net zwui essen
und trinken ko_an Wein
Vor'm Bier mu_ass ihr grausen
sonst kanns nix dahausen
a Geld'l muass habn und a Haus
sonst werd aus da Heirat nix d'raus
a Geld'l muass habn und a Haus
sonst werd aus da Heirat nix d'raus!
An Kaffee wann's ma trinkat
i schlagat's Maustod
dafuer kanns ja essen
a scharz Stueckl Brot
den Zucker vernaschen
s'Geld stehl'n aus da Taschen
a so wenn sie's machat mei Wei'
i jagats davon und des glei'
a so wenn sie's machat mei Wei'
i jagats davon und des glei' !
Und wenn i auf d'Nacht dann
vom Wirtshaus hoamgeh'
Da Stieflziaga muass schon
in Bereitschaft dasteh'
Sie muass mi nehma bein Handerl
muass ma ausziagn mei G'wanderl
mei liaba Mann muass sie glei sag'n
geh lass di ins Bett einitrag'n
mei liaba Mann muass sie glei sag'n
geh lass di ins Bett einitrag'n!
Im Bett wui i's munter
und net so maustod
sonst leid' ja beim Deichseln
da Ehestand a Not
Muass mi Herzen und Kuessen
von da Liabschaft muass wissen
Ja mit da Zeit werad ma alt
wo an da Spass a nimmer g'fallt
Ja mit da Zeit werad ma alt
wo an da Spass a nimmer g'fallt!
Und moecht's wie die andern
a neumodisch's G'wand
Dann sag i wa gscheiter
nimm an Besen in d'Hand
So leb'n ma in Freuden
die Leit tuan uns neiden
jetzt brauch' i nur grad so a Wei'
dann g'freit mi die Heiraterei!
jetzt brauch' i nur grad so a Wei'
dann g'freit mi die Heiraterei!